مجلة الحراك الأدبي للأقلام الحرة

وجع أخرس  بقلم زينب عبد الكريم التميمي  اه يا نوح الليالي وغربة الروح  وياشهگ السواگي بصيف من تنشف  اه يا لفح الملوحة  لشوغة  المجروح ويا دمع البواجي بشوگ   من تنهل  اه  ياشمت العواذل.. إبعقرة المحروم  ويا حضن اليلولي بلا طفل يصرخ معقود اللسان يظل ...وتوجر  الروح  وبس الإيد  فوگ  الإيد..   بلا وعي  .. ..  تِصفِگ اه ياشوگ  العمر من يذكر  إصباه ويا ذكرى الطفوله بشيب من  تحزن  اه يا فقد الأحبه بنص وقت معتاز ومن جور الزمان   بساعه لو يغدر  تترادف مصايب ....تنزف   جروح وسچين المذلة ..بنص گلب  تنغز  صعبه على  الكريم الزمن  لو دار  وصعبه  العزيز بتالي الوكت  ينذل يكسر حيل ..... يهد جبال  يضعضع بالضلع...    حيييييل........   الحمل  من يثگل  .....  زينب التميمي  گ =ق توجر... تشتعل ياشهگ : من الشهقة الغصة او           الاختناق السواگي: جمع ساقية او الترعة ...

أمل  بقلم زينب عبد الكريم التميمي وللمرة الألف  أتوسل مرآتي  أن انفضي غبار الذاكرة  أطلقي عنان خيالك  واستحضري  كل تلك الوريقات  التي افترشتها الطرق  المؤدية إليه في مدن السحاب  مُرّي بي على عيون البنفسج وخدود الياسمين  واتركيني هناك زهرة بين الزهور  يملؤني الندى  أو يبللني المطر  علّ الصباح يجيء به  فيقطفني على مرأى  نفحات تنهيدة ......زينب التميمي